Isu i thu ka ngaihtuahin

Isu, i thu ka ngaihtuahin, Ka lo lawm em em thin; I hmel tak ka hmuh hunah chuan, Ka lawmna a zual ang. Khawvel aw mawi zawng zawngah hian, Rimawi tinreng zingah; Mihring chhandamtu i hming hi, Thawm mawi ber a ni fo. Inchhirte beisei chhan a ni, Retheite lawmna pawh; Tlu tawhte chungah i tha si, I zawngtu chungah pawh. Nang hmututen an lawm zia hi, Thuin an sawi thei lo; Kan chhuan ber chu lo ni fo la, Chatuan hmun thleng pawhin. Isu, ka lawmna ber ni la, Leiah leh vanah pawh; Kan chhuan ber chu lo ni fo la, Chatuan hmun thleng pawhin.