HONG HUAI NAWN IN

Toupa na siamsa lei mihingte, Nopna zong in nisim in buai ung; Simlei thupinate’n a hon pi zel, Nang hon ngilh ung Toupa na tate’n; Huaihamna sung a kibualta in, Duh-amnate’n aw a hon zouta. Aw Na mite Nanglam a hei di’n, Toupa Na tate hon huai nawn in; Lambang haih ung Toupa na huangsung pan, Aw ka Pathian hon nuse lou aw; Hehpihna in aw! hon enlai in, Na kha siang in Toupa hon huai nawn in. Itna a kiam nisim a kiam zel, Lainatna zong tuibang in kiam a; Hehpihna luipite a kang zouta, Nang toh nunnuam kholhkhawmna munte; Gitlouhna te’n aw! a luah zouta, Hon pikik nawn in na huangsung ah. Aw Na mite Nanglam a hei di’n, Toupa Na tate hon huai nawn in; Lambang haih ung Toupa na huangsung pan, Aw ka Pathian hon nuse lou aw; Hehpihna in aw! hon enlai in, Na kha siang in Toupa hon huai nawn in. Toupa aw tuni in ka hon ngen, Koute a di’n aw! Na zahngaihna; Honpia in aw Toupa ka hon ngen hi, Nang hehpih thei Pathian Na hi a; Itna aw neem in ka lungsung uah, Hon sam lai inla Nang a ding in. Aw Na mite Nanglam a hei di’n, Toupa Na tate hon huai nawn in; Lambang haih ung Toupa na huangsung pan, Aw ka Pathian hon nuse lou aw; Hehpihna in aw! hon enlai in, Na kha siang in Toupa hon huai nawn in.