Hlim takin i chawimawi ang u kan remna Lal lo piang hi

Hlim takin i chawimawi ang u, kan Remna Lal lo piang hi, A lalthuthleng, a mi thianghlim, lallukhum hnutchhiah vekin, Keini suala vakvaite chhandamna kawng min rawn hrilh i, Fak rawh u, chi tin, tawng tinin Lalber chu chawimawi chiam r'u. A fakna a dai tawh lo'ng, Khawvel tawp hun thleng pawhin; Ni tin, kum tin, a fakna a zual zel ang chatuan thlengin, Lei leh van ral hnu pawhin angel varho nen kan fak ang. Bawng in tlawmah lo piangin ranthlengah lo mu mah sela, Amah mi lian a ni, a ramin kin ni a nei lo vang; Chhak, thlang, chhim leh hmara mi, thihna daihlim hnuaia thute, A lalna fakin ni tin, thla tin, kum tin an pung zel ang. A fakna a dai tawh lo'ng, Khawvel tawp hun thleng pawhin; Ni tin, kum tin, a fakna a zual zel ang chatuan thlengin, Lei leh van ral hnu pawhin angel varho nen kan fak ang. Eden hunah Setana'n kan lallukhum min chhuh hnu kha, Tunah hian kan Lal Isuan a hneh a, minrawn pe leh ta, Chuvangin, nula, tlangval, naupang, pitar, putar, mi tin, Lalberte Lalber fakin tuipui fawn vel angin zai r'u. A fakna a dai tawh lo'ng, Khawvel tawp hun thleng pawhin; Ni tin, kum tin, a fakna a zual zel ang chatuan thlengin, Lei leh van ral hnu pawhin angel varho nen kan fak ang. Leia mipui chhiar sen loh leh van angel chhiar sen loh nen, Aw Lalpa, i hmangaihna thukzia, zauzia, seizia, sanzia; Fa neih chhun pawh zuah lova kan tan i rawn tirh avangin, Kan aw neih chhun leh kan theihtawpin tunah hian kan fak che. A fakna a dai tawh lo'ng, Khawvel tawp hun thleng pawhin; Ni...