187. NA SUNPARNAK AN CHIM

Nangmah sunparnak kha an chim, Zion, kan Pathian khuapi Zungzal a hmunmi Pathian nih, A umnak ca-ah an ser; Zungzal Lungpi cung sakmi cu, Zei nih dah an hninh khawh lai? Khamhnak hau in kulh na si i, Na ral kha na tih hna lo. Zohhmanh, zungzal dawtnak chungin, Nunnak ti cu a rung luang, Na fale vialte a cawm hna, Chamhbaunak an tih lai lo, Cu bantuk tiva luan lio ah, Hodah tihal in ba lai? Bawipa a kan petu thawngin, Velngeihnak a dong lai lo. A hmunkip velchum hna ah cun, Lianhngannak, himnak ca ah, Mei le khuadawm cu an lo i, Bawipa a nai hngalhnak ca, Zungzal Lungpi cung sakmi cu, Zei nih dah an hninh khawh lai? Khamhnak hau in kulh na si i, Na ral kha na tih hna lo.