468. PATHIAN NIH THITUMNAK A SER

Pathian nih hlanpi in thit-umnak a ser, A Thiangmi inn chungkhar si awkah, Hmaizah le zumh awktlak in an um nakhnga, A thiang nunnak thar an ngeih nak lai. Thanuam in lawmhpi cio hna u si, Kan hawikom dawt thitumnak puai hi, Atu kan lawmhpi nak hi vancung phan seh, Vawlei an nunnak a dongh hlan tiang. Jesuh nih Khrihfabu a dawt hna caah, A ca’h a nunnak a pek bangin, Hi nupi thi pa zong nih daw zungzal seh, A thiangmi cawn-piaknak ngai hna seh. Thanuam in lawmhpi cio hna u si, Kan hawikom dawt thitumnak puai hi, Atu kan lawmhpi nak hi vancung phan seh, Vawlei an nunnak a dongh hlan tiang. Bawipa, an nih cu na kut ah kan in chiah, An cungah na thluachuah hmunhter tuah, Ngaihchiat le lunglawmhnak hrawm ti zungzal in, An thawnnak nangmah ca hmang hna seh. Thanuam in lawmhpi cio hna u si, Kan hawikom dawt thitumnak puai hi, Atu kan lawmhpi nak hi vancung phan seh, Vawlei an nunnak a dongh hlan tiang.