268. HMUN SANG CHIN AH

Cunglei ram cu ka panh lengmang, Nifa te-in hmun sang ka phan, Thlacam pah in ka fuh hnu ah, Bawipa hmunsang ah ka dirter. Bawipa, ka thawh law dir tuah ning, Zumhnak in vancung ram nuam ah, Ka phanh bal lo mi ram ah cun, Bawipa, hmunsang chin ka phanhter. Tihphannak ram mui chungah hin, Sau deuh um cu ka zuam ti lo, Mi cheu nih um duh hmanh hna seh, Kei tinhmi cu hmunsang a si. Bawipa, ka thawh law dir tuah ning, Zumhnak in vancung ram nuam ah, Ka phanh bal lo mi ram ah cun, Bawipa, hmunsang chin ka phanhter. Satan sual thurnak tong hmanhning, Va bang a sang in zuan ka duh, Mithiang mi hla sak thawng hna cu, Zumhnak hnathlam in ka theih cang. Bawipa, ka thawh law dir tuah ning, Zumhnak in vancung ram nuam ah, Ka phanh bal lo mi ram ah cun, Bawipa, hmunsang chin ka phanhter. A sannak bik ram cu phan in, Sunpar ceunak cu co ka duh, Vanram phanh tiang thlacam pah in, Bawipa hmunsang ah ka hruai ko. Bawipa, ka thawh law dir tuah ning, Zumhnak in vancung ram nuam ah, Ka phanh bal lo mi ram ah cun, Bawipa, hmunsang chin ka phanhter.