250. VAWLEI HNA HNAWHNAK

Vawlei hna-hnawhnak le sual sifahnak, Van ka zoh tikah kai ka duh ko ta, Vancung ah sualnak a um ti lai lo, An auhnak aw nih, “Hung bai tuah” an ti. Nitin ka kalnak vancung khua lam kha, A zungzal sualnak nih a ka hlen tawn, Siseh na sualnak naa ngaihchih ahcun, Sualthlah na hmuh lai, tiah bia ka theih cang. A thiang le a tha bik khua chungah khin, Misual ka si ca ka kal ngam hnga maw? A thiang le a tleu thutnak hmai ka ah, Bawi Jesuh nih zaangfah in a ka auh. Nangmah aw a si, ka theih ka Bawipa, Na kut nih zungzal in a ka naih tawn; A sungmi thi kha keimah ca na thlet, Bawi thutnak hmaiah dir tuah, na ka ti. Dinnak Bawi keimah kha run ka chawn tuah, Ka laksawng sung bik kha nang ca a si, Hling luchin naa chinh, kei nih sui luchin; Na thihnak kha kei ca nunnak a si. Bawipa ka nunnak vialte kha kan pek, Atu ah ka lung chung ngaihchia ngaingai. Ka pum-puluk le zeizong te kan pek, Ka philh hin hlah law kan dawt zungzal lai.