501. KUM THAW

Tukeiccuze ka lungtuanaw te ka bawilukhung na thua oh paw ka sungsah hae zah kou ka ngae hae paw, ka uno hae, Bawipaw kya tynkaring lan thadyn oh, kou ka sungsah hae paw. Ryachinaw kya hiinzia ka thya zah hoirumnaw kya hiinzia ka thya; vueso zemah, vuelaw zemah, hoirum zemah, ryachi zemah teitei balyn kya te atyn-are kya umzia byaphi kha ka ccangkuh vae. Thawzung yn pyatupaw Khri liate pawpaw balyn ka cyih kho. 14 Thuasalama ka vawsawnaw kha neethungkubua te kou hoy lan na cyi vae oh. Bawipaw kya nae lungtua zungzae sah. Bua kae ho hin, nae lungtua sah. Pawpaw konglang mah nae thinphang nan sah pawpaw balyn kya lungtuabya hote, sawsangnaw te ngianaw liate na ngia ry oh paw kha Pachia nysah oh. Ccungccaw tuanaw balyn nynh a phya kho leipaw Pachia kya-e daenaw nynh Jesu Khri liate nae thinlung te nae tuanaw kha ae khynsah cih oh. Uteno hae, tuh-e tuh phe ka ccou vae cite ka tuakuh khyh, thuasalama ka cyipaw uccaw ccangkheit tuh: nulang e uccaw hae kha ningte, malang umpaw uccaw hae kha phya lan ka zuaku Khri Jesu liate Pachia nynh vaawlang oun konaw te asekuhpaw lasung kha mue khylan eenaw kuetung kalan ka ccuebua. Nyathyakou lang uteno hae, ahmepaw, sawtua lan umpaw, adingpaw, athyaapaw, ry lan umpaw, thehoysah lan umpaw; ccangkhakheit tuh aphute lanze, thehoysah lan angaeku lanze tuh-e hae tuh nae thinlung kya la tua oh. Kamaw kyate na ccangku oh paw, na lawku oh paw, na thae oh paw te na muih oh paw kha la cyih oh, daenaw Pachia tuh nae kya a um cih.