491. Lalpa sum ka ngainep a

Lalpa sum ka ngainep a, Rangkachak tangka nen; Vanram chu ka thlang zawk e, A chhunga ka luh nan, I vanram lehkhabua A phek ropuiah chuan, Ka Chhandamtu, min hrilh la, Ka hming a chuang tawh em? Ka hming a chuang tawh em, A phek ropuiah chuan? I vanram lehkhabuah, Ka hming a chuang tawh em? Lalpa, ka sual a tam a, Luipuia tiau zatin! Chhandamtu, i thisen hi A tawk e, sil fai nan I thutiam ziak a ni a, Lehkha ropuitein, I sual bawlhhlawh mah sela, Ka tifai ang, a ti. Ka hming a chuang tawh em, A phek ropuiah chuan? I vanram lehkhabuah, Ka hming a chuang tawh em? Aw, chu khawpui mawiah chuan, In eng ropui a awm; Chhandam mite thlarau chuan, Puan var ropui an sin; Sualna a reh tawh ang a, Thatna tichhetu chu; Angel ven khawpuiah khian, Ka hming a chuang tawh em? Ka hming a chuang tawh em, A phek ropuiah chuan? I vanram lehkhabuah, Ka hming a chuang tawh em?