488. Chhandamtu hmangaihna leh chhanhimnain

Chhandamtu hmangaihna leh chhanhimnain, Luikawr thimahte chuan ka kal zel ang a; A beram ven tiangte chuan min thlamuan a, Ka kalsan tawp lo vang che, a ti. Thihna lui chu, thihna lui chu, Thihna luikawr thimah chuan kal mah ila, Jordan lui fawn vel chu ka hlau lo vang a, Chutah chuan muanna a awm ka hria. Chu luikawr thim hlauhawm chu ka kai hunin, Khawvel buai leh lungngaihna ka pelh hunin, Ka Lalpa duhawm tak chuan min lo lawm ang, Chutah chuan ka lungngai tawh lo vang. Thihna lui chu, thihna lui chu, Thihna luikawr thimah chuan kal mah ila, Jordan lui fawn vel chu ka hlau lo vang a, Chutah chuan muanna a awm ka hria. Thihna luikawr thimah chuan kal mah ila, Zing eng ropui tak chu ka han hmu ang a; Chumi hmun nuamah chuan hmangaihten min nghak, Lui ral mawi takah chuan ka tawk ang. Thihna lui chu, thihna lui chu, Thihna luikawr thimah chuan kal mah ila, Jordan lui fawn vel chu ka hlau lo vang a, Chutah chuan muanna a awm ka hria. Aw Lalpa, luikawr thim chu min hruai kai la, Nangma hniakhnung zuiin ka kal zel ang a; Ka hlauhna hmunahte chuan min hruai zel la, Chu ram mawi nuam tak chu min thlen la. Thihna lui chu, thihna lui chu, Thihna luikawr thimah chuan kal mah ila, Jordan lui fawn vel chu ka hlau lo vang a, Chutah chuan muanna a awm ka hria.