414. THAWNGTHA BIA DARKHING TUM TUAH

Lung-lawmhnak thawngtha bia kha Pengkhat hnu pengkhat thanh u, Darkhing thawng bang khua zakip ah, Khamhbawi bia kha thanter u; Pathian a Fapa kha, A zummi a dihlak nih, Rawhnak ah an phan bal lai lo, Zungzal nunnak an hmuh lai. Lawmhnak bia thanter tuah, Pengkhat hnu pengkhat thanh u, Lawmhnak via man loin, Nangmah le kei ca a si. Mi vialte hna ra tuah u, Darkhing thawng in an auh hna, Pathian dawtnak a ngan caah, Hlaw hin hlah u, u nau hna, Nunnak changreu a si, Hi changreu a eimi cu, An sualnak kha tam hmanh sehlaw, Hawhra bang a ranter lai. Lawmhnak bia thanter tuah, Pengkhat hnu pengkhat thanh u, Lawmhnak via man loin, Nangmah le kei ca a si. Pathian bia a ngai lomi, Sifahnak kha an in lai, Khamhbawi aunak aw thawng a nem, Ralrinnak a kan pek tawn, Khamhnak hmuh awk caah, Rau loin chuak cio tuah u, Nan hnulei kha zoh ti hlah u, Nan zoh ahcun nan liam lai. Lawmhnak bia thanter tuah, Pengkhat hnu pengkhat thanh u, Lawmhnak via man loin, Nangmah le kei ca a si.