413. MAW ZION, KHULRANG TUAH

Maw nang Zion, Khua zakip ah Pathian cu, Ceunak a si, tiah rianrang in chim hna, Miphun kip sertu Pathian nih mui chungin, Thlarau pakhat tlau a siang lo tiah chim. Lung-lawmhnak Thawngtha, daihnak, luatnak, Khamhbawi Jesuh tlanhnak thawngtha thanter tuah. Zohhmanh sualnak, Thonginn a ummi chungah, Thong zeizat dah, hrengkhenh in a um rih, Khamhtu thihnak aho chimtu ngei loin, An co hnga nunnak kong kha an thei lo. Lung-lawmhnak Thawngtha, daihnak, luatnak, Khamhbawi Jesuh tlanhnak thawngtha thanter tuah. Holh phunkip le, Miphun zakip sinah khan, Pathian cu dawtnak a si, tiah thanh hna, A tlaumi khamh awkah van in a rung tum, Nun ro kan co nakhnga thihnak a in. Lung-lawmhnak Thawngtha, daihnak, luatnak, Khamhbawi Jesuh tlanhnak thawngtha thanter tuah. Sunparnak thawng chim ah na fapale cu, Na chawhlawn he khua zakip ah thlah hna, Annih caah zungzal in thla va cam ko, Na liammi vialte Jesuh an cham lai. Lung-lawmhnak Thawngtha, daihnak, luatnak, Khamhbawi Jesuh tlanhnak thawngtha thanter tuah.