131. DAWTNAK THIANG, DAWTNAK THA BIKMI

Dawtnak thiang, dawtnak tha bikmi, Van lawmhnak vawlei ah rung, Kan lungchung ah nang rung um law, Na vel cu kan chinhter tuah. Bawi Khrih, zaangfah thiam bik Bawipa, Kan dawt bik Bawi na si fawn. Na khamhnak cu kan pe ko sawh, Lungrethei hna-ngam ter ko. Khuaruahhar vansan lung chungah, Na dawtnak thlarau thlah ko, Nangmah dawtnak roco kan duh, Na biakam hnangamnak cu. Lianngan Pathian, kan sin rung tum, Na velngeihnak kan hmuhter; A zungzal kan sinah um seh, Kan sinin kir ti hlah seh. Na mithar cu tlinter cang hna, Thiang le dotla kan siter, Na khamhnak cu kan hmuhter ko, Nangmah he remnak tling cu; Vancung khua i na kehram ah, Nangmah kan in biak tikah, Kan sunparnak a karh chin lai, Nang kan in thangthat chin lai.