478. Chhum zinna piah lamah chuanin

Chhum zinna piah lamah chuanin, Ni eng piah lamah chuan; Zan arsi enna piahah chuan, Ka nei in ropui chu. Kuta sak loh chatuan in chu, Ka tan buatsaih a ni; Chhandam fate an zaina chu, Ka tan in nuam a ni. Natna leh buaina piahah chuan, Hringnun mak piah lamah, Hun danglam tawh lohnaah chuan, Ka tan in nuam a awm. Kuta sak loh chatuan in chu, Ka tan buatsaih a ni; Chhandam fate an zaina chu, Ka tan in nuam a ni. Thihna daihlim piah lamah chuan, Zan thim piah lamah chuan; Ka tan in eng nuam tak a awm, Ka thlir, ka khat hlimin. Kuta sak loh chatuan in chu, Ka tan buatsaih a ni; Chhandam fate an zaina chu, Ka tan in nuam a ni. Ka sual lungngaih leh buainate, Hnutiang ka chhawn dawn e; Chatuan thangvan khua nuamah khian, Lalpa nen kan cheng ang. Kuta sak loh chatuan in chu, Ka tan buatsaih a ni; Chhandam fate an zaina chu, Ka tan in nuam a ni.