473. Kan hmachhuan ram mawi chuai ngai lo

Kan hmachhuan ram mawi chuai ngai lo, Thing rah tin reng an vulna; Nunna tui thianghin a chim vel, Ral ram, van mi an lenna. Thli, lungpui hlau tawh lovin, Chatuan pialral ramah chuan; Lawng chawlin puanzar hlipin, Hmun ralmuang kan thleng ta e. Chu ram pana hma lam tawnin, Chhandam chawnban vawr en r'u; Nun hlun eng, varho zaipawlin, Van tingtang an rem ngai r'u. Thli, lungpui hlau tawh lovin, Chatuan pialral ramah chuan; Lawng chawlin puanzar hlipin, Hmun ralmuang kan thleng ta e. Tuipui luang a chawl cham chungah, Lawng chawlhtir zai rel ila; Tui fawn a kiam, mual liam mek a, Ral ram a lang kim dawn ta. Thli, lungpui hlau tawh lovin, Chatuan pialral ramah chuan; Lawng chawlin puanzar hlipin, Hmun ralmuang kan thleng ta e. Thlemnte hnutiang chhawn hunah, Dam lai thlipui reh hnuah, Min hruai thlengtu fak hla sain, Himna lungpui kan awi ang. Thli, lungpui hlau tawh lovin, Chatuan pialral ramah chuan; Lawng chawlin puanzar hlipin, Hmun ralmuang kan thleng ta e.