470. Hmangaihna in nuam kan tan a buatsaih chu

Hmangaihna in nuam kan tan a buatsaih chu, Mawi leh eng ropuiin a zam vel; Chu anga in nuam a awm ngai lo, Lui ral ram kan thlen hunin kan chang ang. Hmangaihna ram i pan ang u. Thihna lui ral ram mawiah chuan, Chu anga in nuam a awm ngai lo, Lui ral ram kan thlen hunin kan chang ang. Chutah chuan nunna thing par a chuai ngai lo, Tlan sate an zalenna ramah; Inthenna a awm ngai tawh lo va, Chatuanin lenrual kimin kan cheng ang. Hmangaihna ram i pan ang u. Thihna lui ral ram mawiah chuan, Chu anga in nuam a awm ngai lo, Lui ral ram kan thlen hunin kan chang ang. Hun leh kum leh nite an lo ral zel a, Khawvel par mawite pawh an chuai thei; Kan tan khawvel ni a kin hunah, Hmangaihna ram mawiah chuan kan cheng ang. Hmangaihna ram i pan ang u. Thihna lui ral ram mawiah chuan, Chu anga in nuam a awm ngai lo, Lui ral ram kan thlen hunin kan chang ang. Hmangaihna dar ri mawi chu a thang vel e, Ngaithlain Lalpa hnen rawn pan r'u; Riltam, tuihal a awm tawh lo vang, Pa Pathian ni aia eng, chatuanin. Hmangaihna ram i pan ang u. Thihna lui ral ram mawiah chuan, Chu anga in nuam a awm ngai lo, Lui ral ram kan thlen hunin kan chang ang.