464. Lei lal puan ropui chu a tlawm ang

Lei lal puan ropui chu a tlawm ang, Lei pangpar mawite pawh a chuai th ei; Kan dam lai ni pawh i a lo la tla ngei ang, Mahse, Lal duhawm Isua ka nei. Lili par mawi - Lal Isua ka nei, Ka tan a par chatuan ram mawiah; Hrehawmah pawh aman min awmpui fo va, Lili par mawi - Lal Isua ka nei. A hmangaihna ram eng mawiah khian, Amah chu chatuan Varparh a ni; Hrehawm tuar ila, hemi khawvelah hian, A ramah chuan min la hruai dawn si. Lili par mawi - Lal Isua ka nei, Ka tan a par chatuan ram mawiah; Hrehawmah pawh aman min awmpui fo va, Lili par mawi - Lal Isua ka nei. Tunah tapin rum rih mah ila, Thihnain ka mit a chhin hunin; Ka hlau lovang, thlan thim ata min tho vang a, Ka mittuite chu hru fai turin. Lili par mawi - Lal Isua ka nei, Ka tan a par chatuan ram mawiah; Hrehawmah pawh aman min awmpui fo va, Lili par mawi - Lal Isua ka nei. Kan thian duhten he khawvelah hian, Min kalsanin ka rilru a ngui; Mahse ka lungngai lo, mala ka lo awm hian, Lili par mawi - Isuan min awmpui. Lili par mawi - Lal Isua ka nei, Ka tan a par chatuan ram mawiah; Hrehawmah pawh aman min awmpui fo va, Lili par mawi - Lal Isua ka nei.