461. Khita van hmun nuamah khian tlante an zai

Khita van hmun nuamah khian tlante an zai, An Lalpa hmaah an lallukhumte dahin, Khawvel lungngaihna leh buaina an pel ta; Mi thianghlimten chhandamna hla thar an sa. Beramno fakin, hmana Kalvari-a thi kha, Beramno fakin, chatuan atan nung leha chu. Aw, hmangaihna hla mak tak a lo kim ta! Rimtui, rangkachak berhbu a lo khat ta, Lalpa thihna leh thawhlehna avangin, Pathian hnenah chatuanin ro kan rel ang. Beramno fakin, hmana Kalvari-a thi kha, Beramno fakin, chatuan atan nung leha chu. Beramno thisena inbual chauh lo chuan, Chu hla thar chu tu man an sa thei lo vang; Sual ata Chhandamtu'n min tleng fai tawh chuan, Tunah lawm hla ropui takin i rem ang. Beramno fakin, hmana Kalvari-a thi kha, Beramno fakin, chatuan atan nung leha chu.