90. Zan Ah Tuukhal An Tuu An Zoh

Zan ah tuukhal an tuu an zoh, Vawlei an thut lioah, Vancungmi kha a rung tum i, A rung ceu an hmai ah. ‘tih hlah,’ a ti, vawlei mi hna, “Lunglawmhnak thawngtha chin, Ka tum, ka put nannih ca-ah, Lawmhnak a tam nihin. “David khua ah nihin a hrin, David miphun simi, Mikhamh Khrih a simi Pathian, Ngakchia a hrin,” a ti. “Puan in an hlawm hnuah an chiah, Cawkuang chungah an thlim, Nannih atu Amah kawl u, Nan ton lai, Ngakchia sem.” Vancungmi nih a chim tikah Vancungmi run an lang, Miceu micerh an si ngai ta, Pathian kha an thangthat. “Vancung a ummi Pathian kha, A thang tha bik ko seh, Vawlei ah daihnak tlung ko seh, Mi ca’h a vel tum seh.”