396. KA NUNG SAWSANGNAW KA THAE

Imua ka thua lya te, Ka nung houh sungsah, Asung huapaw mateitui te yn kua; Ka lethungnaw hanlan a hoboupaw oun pya, Ka nung nynh yn sungsahnaw ho kho lei. Ka nung yn sungsahnaw bya ho kho lei, Touse lanpaw lae vaw sisua um khyh; Sui te ngun lae ale yn sungsahnaw, Ka nung nynh yn sungsahnaw le raria. Hythua ka mue nawlan yn do-oihnaw balyn, Ka tuathui vae ze koumaw ka ngae; A thangthya leipaw hythuanaw Bawipaw yn pya, Lu hiin shesaenaw kha beih yn pyatua. Ka nung yn sungsahnaw tuh a phu kou a e, A byvaw daebabi lan yn isah; Neipua te yn poh zah daebabi lan ka ih, Ka nung yn sungsahnaw ale raria.