453. Kan nghak reng che kan Lalber

Kan nghak reng che kan Lalber, Khawvel hrehawm thim hnuaiah; I buatsaih Salem khawpui, aw, ka ngai tawh mang e Khawvel hrehawmna leh thim hnuaiah leng mah ila, Hmangaiha min zawngtu chu ka ngaibang thei lo ve. Van ropui, Eden th ar nuam chu, Lungngaih awm tawh lohna hmun chu; Aw engtik nge ka thlen ve ang, I chatuan lalna ram, eng mawi nuam tak chu? Lo hnai rawh, ka Chhandamtu, Ral a lian khawvelah hian; Thisena i tlan sate lungngaiin an tap e, Khawvel i fan laia i thlaphanna Kalvari, Hmelmate an lo kal e, i ram dotute chu. Van ropui, Eden th ar nuam chu, Lungngaih awm tawh lohna hmun chu; Aw engtik nge ka thlen ve ang, I chatuan lalna ram, eng mawi nuam tak chu? Aw, khawiah nge Chhandamtu, Zion tlang ralmuanna chu? Sual tlenfaina hmangaih tui, kan tan i luanna chu, Sual dan chahna kulhpui, i chatuan van khua leh tui, Chhandam fa i zar mawia lawma an lenna chu. Van ropui, Eden th ar nuam chu, Lungngaih awm tawh lohna hmun chu; Aw engtik nge ka thlen ve ang, I chatuan lalna ram, eng mawi nuam tak chu? Aw, khawvel hi a ral ang, Rei lo tean a ral ang; Chhandamtu a au vang a, lei ram kan pel tawh ang, Krista hmangaihtuten Lal ropuina an chang ang, Hmangaihna a fawn vel e, lawm r'u, Haleluia! Van ropui, Eden th ar nuam chu, Lungngaih awm tawh lohna hmun chu; Aw engtik nge ka thlen ve ang, I chatuan lalna ram, eng mawi nuam tak chu?