374. JESU BYA KA KINKU

Pou Jesu Khri ka Bawipaw, Athang cia kae beik cih, Kaening pe khe oun umtua, Azungzaete Bawipaw; Bawipaw ry umkheih lanze, Paw raw ka rih lan khyh, Na laandingpaw yn muihsah, Laan ka vae khyh nawlan. Ka pe na um yn nysah, Lae vaw ka um lyahin, Tuhounaw a phuinphuin kha, Ka muih ka nyh kho cih; Rhaw nynh palei leih yn nae, Ka lungthin kya balyn, Namaw nynh yn naeku tua, Ka muisaw yn khumtua. Bawi Jesu Khri namaw nynh, Na zuitu balyn kha, Na lesaenaw ram kalan, Um lan kha bya nae kin; Tukeiccu athangnaw kyacia, Namaw tuh kae beik cih, Namaw kae zui kho nawlan, Thawccinaw oun pyatua.