362. YN KHUMPAW BAWI SUNGSAHNAW

Khum Bawi na sungsahnaw kha nae pya ze, Pawsan kae pheih lan khyh Namaw kyakhe; Na malang ka bakhung na bya yn tynsahpah, Na kalan ka lasung kae ccyngpah cih. Thawccinaw te Namaw kha kae ngia nyn, Ka zynnaw zya zemah namaw kae do; Vaelan puihnaw yn bawm na sungsahnaw ho lan, Sawsang hlawsah khonaw kae yn bawmtua. Lung thyaanawpaw yn pya namaw hawte, Nin takyh na hanlan ryalaw ka ry; Sungs’ku bya yn hosah thawccinaw yn nysah, Zynnaw lungthin yn pya Namaw hanlan. Ka hoipaw miakaw te ka hiinnaw b’lyn, Lungtua ngaethya zemah Namaw hanlan; Namaw mae kae muih tuh pawcih ka lungtua cih, Ka muisawpaw hynh mah Namaw kaw cci.