3. SIANGPAHRANG BIA TUAH

Vancung Siangpahrang hmaizahnak pe u, A sunparnak cu hla in thangthat u; Amah cu kan phaw le kan himnak asi, Zungzal hmunmi sunparnak Pathian a si. A thawnnak chim u, A velngeihnak zong, A puan ceunak nih zeizong a khuh dih. Vanrang le khuadawm cit in a ra lai i, Vawleicung mi vialte bia a ceih hna lai. Na kan zohkhenhnak holh in chim khawh lo, Thli chungah a khat, ceunak chung zongah Tlangcung in a rung i tiva nelrawn tiang, Vanruah le dapti in dai tein an sur. Ngakchia bantukin vawleicung mi nih, Nangmah kan in zumh, na kan hleng bal lo, Na velngeihnak cu zungzal in a hmun ko, A kan Sertu, Khamtu le kan Hawi na si.