347. JESU KA MUISAW SUGNSAHPAW

Jesu ka muisaw sungsah, na kalan yn zousah bua, Tui lepaw nynh yn thuanua, khise kha thosah lamah; Yn thungkhaw pou ka Bawipaw, khise zaw a thang mawzung, Ka muisaw kha teesah bua, Namaw na myndae kaw khe. Oun bawm thyapaw hum um khyh, ka muisaw kha Namaw rou, Kae kha beih yn cciataw nang, yn bawm lah yn cciataw nang; Namaw kyalya kha kae zyn, Namaw thawccinaw ka mue, Na myndae kya ka um zah, Namaw sake kaw yn nung. Jesu Khri Namaw rou nynh, Ka rynaw balyn na hoi, Mitzupaw kae yn bawmtua, Dan leipaw kha hoybua hae; Namaw min kha houh ale, Kae tuh kou ka seipaw zah, Ka lung kha leih paw kho khyh, Namaw rou nynh kou na hoy. Namaw kya-e kha kae nynh, Na thawccinaw kha ka muih, Dannaw tuidy lua sah lah, Ka lungkhu thyaanaw ka ry; Hiinnaw tuidy tuh nang nynh, A lakawte yn niasah, Ka lung kha yn ccoubua lah, Zungzaete nang tuh na lua.