436. Tlantu ka nei e vanah min dilsak thin

Tlantu ka nei e, vanah min dilsak thin, Khawvela thian ai chuan min hmangaih zawk hle; Eng lai pawhin aman khawngaihinn min veng thin, I Tlantu ni ve se ka va ti em ve. Ka tawngtai sak fo che, (3) Ka tawngtai sak che. Pa pawh ka nei e, anin nun min pe, Chatuan ral thei lo nun hlu a ni e; Vana ama hnena min koh hun a hnai ta, Kal ve i chak theih nan ka dilsak ang che. Ka tawngtai sak fo che, (3) Ka tawngtai sak che. Thlamuan ka nei e, lui thuk tak a ang hle, Chu chu khawvel miten an neih ngai loh hi; Ka Chhandamtu chauh hian min pe thei a ni e, I hnenah pe ve se ka va ti em ve. Ka tawngtai sak fo che, (3) Ka tawngtai sak che. I rin ve hun chuan mi dangte hrilh langin, 'Tlantu ka hmu ve ta,' tiin puang darh la; Tawngtai sak bawk langin, i thil dil Lalpain, Mi hlawhtlintir angin a hlawhtlintir ang. Ka tawngtai sak fo che, (3) Ka tawngtai sak che.