435. Hlau suh ka awmpui che

Hlau suh, ka awmpui che, Rangka eng zam hian, Ropui chung siar ang Ka kawng a rawn en. Zan khawdur hnuaiah pawh He tiamthu a eng; Ka kalsan lo vang che, Malin i awm lo'ng a ti. Malin ka awm lo'ng } Ka hnenah a awm, } Aman min awmpui a tiam si } 2 Mah riakin ka awm ngai lo'ng } Kan vel rose pangpar leh Lili par an chuai; Lei ni eng a ral hnuin, Thangvan eng rii riai. Isua, Saron par mawi, Vul lai a chul lo; Isua, chunglum lai ni, Malin min kalsan lo vang. Malin ka awm lo'ng } Ka hnenah a awm, } Aman min awmpui a tiam si } 2 Mah riakin ka awm ngai lo'ng } Hmatiang hmuh lawk loh kawng, Hlauhawm a hnai thei; A hnai zawk Chhandamtu'n, 'Thlamuang rawh,' min ti. Khua thal sirva te ang, Lunglai ka lawm ta, Hlimin ka zai zel ang, 'Min kalsan lo vang,' tiin. Malin ka awm lo'ng } Ka hnenah a awm, } Aman min awmpui a tiam si } 2 Mah riakin ka awm ngai lo'ng }