426. Kan Lalpa thlamuanna

Kan Lalpa thlamuanna, Luipui lian angin, Ropuiin a luang a, Pung telh telh fovin. Ni tin a pung zel thin, Thuk deuh deuh pawhin; Kan rilru zawng zawng nen, Min luan him fo thin. Jehova ring nghetin, A malsawm kan dawng; A thutiam ang zelin, Thlamuanin kan awm. Pathian kutphah chhungah, Him takin kan awm; Kan hmelmate pawhin, Min zui ngam lo hlawm. Hrehawm te, thlaphan te; Lungngaihte pawhin, A kutphaha awmte, An tawk thei lo thin. Jehova ring nghetin, A malsawm kan dawng; A thutiam ang zelin, Thlamuanin kan awm. Thil hrehawm leh lawmawm, Pathianin a tir; Min tithianghlim turin, Khawngaihin a tir, That hlir min vur turin, Amah kan ring ang; Beisei bo tawp lovin, Min awmtir fo vang. Jehova ring nghetin, A malsawm kan dawng; A thutiam ang zelin, Thlamuanin kan awm.