64. SAWMKUA LE PAKUA

Pathian tuurun kha him te in an um, Sawm kua le pakua kha an bok, Tuu pakhat cu a khaltu sinin a chuak, A tha bik sui khua chungin a chuak, Tuukhal lungnem zohkhenhnak chungin a chuak, Ram harnak ka le hlingbur lakah khan, Ram harnak ka le hlingbur lakah khan. Bawipa, mah’ hin tlanh ciami an um ko, Nangmah ca ah a za lo maw? “Hi zong hi keimah ta,” Tuukhal nih a ti, “Keimah sin in a chuakmi a si, Harnak chung le ramlak ah um hmanhsehlaw, Tuu kha kawl awkah keimah ka kal lai, Tuukha kawl awkah keimah ka kal lai.” Tlanhmi nih a Tlantu lam a hngal lo, A thuk horkuang a tanmi kha, Lam har bik i tuu aw kha a theih tikah, Bawipa nih hor thuk kha a tan ko, Ramlak i tuu tlaumi cu a va hmuh cang, A tlau i bawmh herhmi kha a bawmh cang, A tlau i bawmhherhmi kha a bawmh cang, Ramthuk lak i a tlaumi tuu nih khan, Na thlet thi kha a hngal lo maw? A zammi tuu kha na hmuh than hlan tiangin, Na thisen chuakmi kha a hngal lo. Bawipa na innak cu chap chin lengmang in, Ramlak hling nih nifa an in chunh ko Ramlak hling nih nifa an in chunh ko. Tlang sang le horkuang thuk lungpi phen in, lunglawmhnak aw thawng a hung thang, Cu lunglawmhnak cu van kutka a phan i, “Lawm tuah u, tuu ka hmuh cang,” a ti, Bawi thutdan velchum i vanmi nih an leh, “Hallelujah! Bawipa nih a hmuh cang! Hallelujah! Bawipa nih a hmuh cang!”