328. KA LAANPI YN MUIHSAH

Ka laanpi Jesu yn muihsah, Paw bya ve ka peki um; Ka lu hiin lya Jesu yn do, Zyn seinaw a um vema? Vaawlang daenaw te ngaengannaw, Jesu zynnaw te ka muih; ( Laephi vaw ka vawsawnaw b’lyn, Jesu nynh palei a ny. ) 2 Laanpi rupaw kya ka ccia lya, Ka thaw kha he muinsah; Nuinsenaw ngaesang kho nawlan, Hiinnaw sanlou kha yn pya; Ka ccia lyakhe ka bang zetuh, Ka muisaw kha tui ahaw, ( Ka malang khuin hiinnawpaw tui, Lungtua te luapaw ka muih. ) 2 Ka laanpi Jesu yn muihsah, Pawcih baban yn sungsah; Vaawlang ka Paaw inn daenaw kya, Um kho nawlan bya yn kin; Ka muisawpaw kha hlawsah zah, Vaawlang khuin azou tetuh ( Laanpi Jesu nynh yn muihsah, Zungzae hlaw te ka sah cih. ) 2