322. POU KA JESU KA MUISAW

Pou ka Jesu ka muisaw nynh, Namaw kya rou nynh um; Lungdae lungtuanaw kha ka ccung, Atu nynh ka muih ung. Kae ka elang hummah Lungrypaw tuh ccingthya um khyh; Lungtua hiinnaw sungsakunaw, Bawipaw kya nynh ka muih. Lungtua haeungnaw kha ka ccung, Pachia kha tua leite; Ka Khum Bawi kha ka vua lyaze, Sungsahnaw te yn kyng. Lae vaw hoynaw lungdaenaw kha, Ka ry zah leih ka ccung; Ka muih vae he leih ka cih tuh, Pong ka zosah kou vae. Lungtuanaw zo ze leih ka rah, Namaw kha tua leite; Khah ccyh ze ka mit nae awsah, Phu-enaw kha ka muih.