317. KHUM BAWI YN LA NGAETUA

Khum Bawi yn la ngaetua, Na kalan kae naeku, Ka laebah sangpya lan, Nang nynh nae chipya; Na min hoy ka zyn tetuh, Seishawnaw kha ka mue vae, Namaw kha zyn khylan, Na kalan kae cceih. Khum Bawi yn la ngaetua, Thawccinaw kae ngia, Azungzae yn khum lah, Rinaw daesah tua; Na byakinnaw kha ka zyn, Hoysinnaw kha nae pya cih, Lesae Bawipaw Pachia, Na k’lan saw ka sang. Khum Bawi yn sungsah tua, Kae hynh yn lawtua, Ka makhae lae vawlan, Beih yn cciataw nan; Ka laanpi kha awsah tua, Na awnaw ka pepan kya, Namaw nynh awsah tua, Pou yn Khumpaw Bawi. Bawipaw yn resakuh, Na kyakhe yn nung, Ryalaw na lyn maw b’lyn, Laephi yn muihsah; Tukoute lungtuanaw hlaw, Vaawlang khua kya ka sah cih, Bawipaw ry pynkheihlan Zungzae um ka ry.