399. Lalpa i rawngbawla min koh hi

Lalpa, i rawngbawla min koh hi Hriain, sual, chak lohna phuar vel hi; Hlau leh khurin, beiseinain, Tawmkai lo leh bawlhhlawh, puih ngai, I chakna ring ka lo kal e. Tu tan danga nung tawh lovin, Ama rawng chauh bawlin; Chatuan kulh che rual lo inhung chu, Tuarna zara ka ta a ni; Zam tur reng ka lo nih loh hi. I ruala kal dan min zirtir la, 'I thu ni se,' ka dam chhung hlaa'n; Kalvari hmangaih fim mawi leh Khawngaih thutiamin min thuam la, I rawngbawl fo theihna turin. Tu tan danga nung tawh lovin, Ama rawng chauh bawlin; Chatuan kulh che rual lo inhung chu, Tuarna zara ka ta a ni; Zam tur reng ka lo nih loh hi. Ka kal zel ang, aman min awmpui, Khawvel hnehna chu ka ta a ni; Buaina chhum leh thlemna fawnten, Min chim pawhin Chhantu ka nei, A ta ka ni, Chatuan Lal ta. Tu tan danga nung tawh lovin, Ama rawng chauh bawlin; Chatuan kulh che rual lo inhung chu, Tuarna zara ka ta a ni; Zam tur reng ka lo nih loh hi. Chatuan famkimna hmun thlen hunin, A va ropui dawn Krista zarah; Riangvai, chanhai, hnehtu lian chan, Vohbik, chawimawina lallukhum Changa kei ka ding ve tur chu. Tu tan danga nung tawh lovin, Ama rawng chauh bawlin; Chatuan kulh che rual lo inhung chu, Tuarna zara ka ta a ni; Zam tur reng ka lo nih loh hi.