307. PAW VAECCAW PEI AH HOI OH

Paw vaeccaw pei ah hoi oh hynh, Ah vaeccaw Bawi Jesu Khri, Pachia kalan ah rypaw b’lyn, Ngia zetuh he oun pya cih; Ngaengannaw um leite cci nynh, Vawsaw ngaethyanaw ccite, Pachia kalan ah rypaw kha, Ngia leite um keiccu oh. Tounaw palei ah mue oh ta? Vawsawnaw so a um ta? Na lung tuh la roh nan lah i, Pachia k’lan saw la sang lah; Aening elang vaw asawpaw, Hum so na nyh boi oh ta? Ah ngaethyanaw kha Jesu nyh, Pachia k’lan khe sawsang oh. Thawzung zyapaw ta aening hynh, Ah phupaw ta eih ari, Oun Khumpaw Bawi sung huapaw kya; Ngia lanze a la ngae cih, Ah ban hae nynh oun vua hae ze, Pachia Bawi kya hopah oh, A kuih te ae lah ae pom cih, Ngaengannaw ah mue cih oh