298. JESU KA VAELAN PUIHKUTE

Vawsaw riathae ka mue zemah, Nang tuh ka Bawipaw na thua; Lae vawlan phu-e lesaenaw, Ka ngaehoinaw phe zo vae, Thuasah pawcihte kae ka hoi, Pachia tuh ka Bawi nynh thua. Lae vaw phu-e ka cciatawsah, Khum Bawi mah phe a cciataw, Lungthin te mitmae nynh yn ling, Tuhzemah nang tuh na law; Pou ka Pachia lawnaw Bawipaw, Rhaw nynh yn hua hae zemah, Ka tungvaw na mae paw sah lah, Tynre b’lyn pong a aw cih. Vawsaw riathae ka ing zemah, Namaw houh kae naekuh cih, Runaw nynh yn thuanua zemah, Haeung daenaw ka mue cih; Namaw ka kya na um zetuh, Ngaethyanaw nynh yn tae khyh, Nang ka kya na um khyh zetuh, Lungtuanaw mah ccungkia khyh. Thawccinaw te phu-enaw lang, Zynnaw sawsang te cciatua, Zungzae vaawlang khua na thua cia, Bawipaw kuih nynh oun hoei cih; Lae vaw na rya athang vae cih, Na khuaccongnaw hae balyn, Ngaehoinaw tuh lungtuanaw lang, Sawsang tuh thehoynaw lang.