294. AH PACHIA A CCIA LYA

Bawipaw thua cinaw phu-enaw kha ka mit nynh phe muih vae, Thinrianaw misu thae a ponaw ram kha pong a naan vae; Ri lan kou umpaw thaloi a hepaw kha yn thuaku vae, Ah Pachia a ccia lya. Lysah oh sih Haleluja) 3 Ah Pachia a ccia lya. Ryanaw maee patae awpaw kyakhe Amaw kha ka muih vae, Khah-e a ngaelung khe Amaw hanlan maeccang kha a rae; Eih aw leipaw maeeinn laku zemah a dingnaw ka muih, Ah Pachia a ccia lya. Mungkae phe tu vae hae ze kithui oh ci um vae khyh, Amaw byapianaw malang khe ccungccaw lungthin kha alang; Pou kamaw muisaw ngaesiku lah Amaw kha la beiktua, Ah Pachia a ccia lya.