380. Dam chhungin i thawk thuai ang u

Dam chhungin i thawk thuai ang u, Sual leh buaina karah hian; Nakinah Lal Isua zarah, Kraun ropui kan chang tawh ang a. Aw, lei lallukhumte chuan, Chatuan ram an thleng lo vang; Pialrala nunna lallukhum chu, Aw, tholeh faten an khum tawh ang. Hmanah Eden huan thianghlimah, Evi leh Adama chu, Suihlung lai an lo mawl zo ta, Sualnain a lo tihrang ta. Aw, lei lallukhumte chuan, Chatuan ram an thleng lo vang; Pialrala nunna lallukhum chu, Aw, tholeh faten an khum tawh ang. thawkrimte leh phurritte chuan, Lui ralah an dah tawh ang; Nakinah Kanan ram mawiah, Lungduh nen kan leng tawh ang a. Aw, lei lallukhumte chuan, Chatuan ram an thleng lo vang; Pialrala nunna lallukhum chu, Aw, tholeh faten an khum tawh ang. Kan nghak reng che Imanuel, Lunggaihna thlalerah hian; Chhum zinga i lo au lehin, Kan lungngaihna a bo tawh ang. Aw, lei lallukhumte chuan, Chatuan ram an thleng lo vang; Pialrala nunna lallukhum chu, Aw, tholeh faten an khum tawh ang.