378. Ka tho vang a ka pa hnenah ka kal teh ang

Ka tho vang a, ka pa hnenah ka kal teh ang, Ka hma chhumpui angin a zing; Hmangaihtu dang ka hmu lo va, khawvelah hian, Ka pa lo chu ka doral maw! Sualin bosan mah ila, A that a chuai ngai lo; Inchhira ka zawn leh chuan, A zar ka zo leh ang. Ka pa inah khanin sum tin a awm thin kha, Mi lungngaite a hnem zel a; Kei saruak mai leh riltamin ka thi ang maw? Eng nge rethei anga ka vah? Sualin bosan mah ila, A that a chuai ngai lo; Inchhira ka zawn leh chuan, A zar ka zo leh ang. Aw, a hnena ka chen lai kha a va nuam em! Khawvel mawina ka zawn zawng zawng; Ka han bel chiang ka pa in chhung ka ngai zual thin, Thupha chawi tur ka ni lo'm ni? Sualin bosan mah ila, A that a chuai ngai lo; Inchhira ka zawn leh chuan, A zar ka zo leh ang. Kei mi sual, a tilungngai leh timualphotu, Ka tana hmun a phal chuanin; He khawvel par ka hmelma hi ka ngai lo vang, A vul lai reng a tawi lua e. Sualin bosan mah ila, A that a chuai ngai lo; Inchhira ka zawn leh chuan, A zar ka zo leh ang.