256. KA SEINAW KOU ALUNG

Ka lungkhu kya menaw kou alung, Seinaw houh alung ka lungkhu; Ka mitphi lua zah ngaw muih khyh, Tuh zemah a kalan kae rang. A sei thawnawpaw nynh kae tuh, Atu te atu ka tua; Tuhzemah Jesu yn thuasah bua zetuh, A kalan ka tee ngawrei. Jesu sungspaw laku notahua, Sawsangpaw laku ka nyaahua; Thuasah yn ko zah bua ka cceih, Bawipaw nynh yn deelae ngaw khyh. Ka menaw Jesu lenaw nynh tae, Ka lung seinaw kha a sing cih; Lae vaw ka ccu thykunawpaw, Vaawlang koikua kya a tee cih. Ka hiin lungkhu menaw kou alung, Seinaw te ka muisaw dan khyh; Ka mitphi lua zah ngawmuih khyh, Tuh zemah beih yn thuasah bua.