250. LAEPHI VAWLAN SEINAW

Laephi vawlan tuh seinaw vawsaw cci, Vaawlang ka do zah ccia lan kou ka ry; Vaawlang tuh seinaw mah um vae lan khyh, Yn konawpaw nynh rang kangmaw yn ci. Nin takyh leih ka ccianaw vaaw laanpi, Zungzae seinaw nynh palei leih yn ling; Thuasalama na ngaesiku zetuh, Na seinaw kha kae shawpah cih yn ci. Athyaa ahoy huapaw vaawlang khua khuin, Ka seipaw zah ka cceih ngan cih vema? Athyaa a awpaw Pachia malang khe, Bawi Jesu nynh thawccinaw te yn ko. Namaw bya kha ka thae tuh ka Bawipaw, Ka lung zungzae tua thaw nae cci pawte; A sung huapaw chii te nae thyaasah zah, Bawi haungnaw malang thadyn yn ci. Bawi Jesu nynh aening hiinnaw lan khaw, Hinpaw lukhung kha vaelantung kyakhe; Bawipaw vawsawnaw kae ka elang nyn, A chihpaw te sui lukhung ka mue cih. Bawipaw ka hiinnaw balyn kha kae pya, Atu ka lungkhu ka ngaethah raria; Ka pyn balyn hynh namaw nynh kae pya, Yn ning nan vae kae sungsah zungzae cih.