210. JESU CCULEIHPAW HAUNGTE

Jesu cculeihpaw haungte, A bya hoy huapaw ka thae; Lungtuanaw te daenaw accing, Nin takyhte um ka ry, Jesu cculeihpaw haungte, Liatypaw ccyh ka tuathui, Na sungsahnaw ale raria, Ka thinlung balyn kae pya. Jesu cculeihpaw haungte, Hythuanaw phuinccing ka mue, Seinaw te ngaethyanaw nang te, Lungtuanaw ram lang oun hoei; Jesu cculeihpaw haungte, Mitphi luate saw ka sang, Na sungsahnaw thyaa huapaw te, Nin takyhte yn soihbia. Minsung Khumtu hythua yn pya, Na cculeihpaw ka um lya, Sungsahnaw thinlung te yn do, Na maesue kha yn muihsah; Jesu thinlung hoypaw yn pya, Namaw hawte yn thyaasah, Namaw kyakhe yn umsah tua, Ka rekunawpaw lungpi.