209. PACHIA SUNGSAHNAW

Bawipaw yn sungsah ngaeangnaw tuh, Ka seimenaw laeze alehua; Kalvari mua vaelantung kyakhe, Tuutaw chi a sung huapaw alua. Pachia sungsnaw athyaa huapaw khate oun sungsah, Pachia sungsnaw seinaw b’lyn tae khopaw sungsnaw. Seinaw te lungthangnaw balyn nynh, Tuileih hawte oun tho salamah; Bawipaw sungsahnaw thawccinaw nynh, Vaelantung kalan khe oun hoei vae. Seinaw kyate ka lue kho lan khyh, Hum nynh mah yn shaw yn khum kho cih; Kalvari mua te chii kha alua, Tuitin laeze na rawhua vae cih. Thang kho leipaw ngaeang sungsahnaw, A zynpaw nynh alakawte mue; Nanning Amaw mae a muih rypaw, A thawccinaw kha lawku tua oh.