203. NIN TAKYH JESU KALAN KA NAEKUH

Nin takyhte Jesu kalan houh ka naekuh sah lah, Sui lae zemah tynre phukipaw balyn lae hoyhua; Ahoy raria Amaw tuh kae tynre ka tynre, Nin takyh mawte houhouh a hoyhua langmaw laeze. Abang san ka ho kho khyh, Vaawlang sui khua kong kha; Nin takyh mawte houhouh ahoyhua langmaw laeze. Hynhsepite Amaw ka muih a lesaenaw oun thua, Lili haetapaw lae hoy zah nizy laeze a aw; Ka rynaw te ka muisaw rynaw kha yn biasah pya, Nin takyh mawte houhouh ahoyhua langmaw laeze. Vaekhakheit ka lungvawsaw zah ka lungria leih athae, Thuasalama kae kalan oun thua ze ka lung he tua; Amaw ka ry ka phupaw yn zawsapahpaw Bawipaw, Nin takyh mawte houhouh ahoyhua langmaw laeze.