367. Ka sual rit tak phurh leh lei ninawm hi

Ka sual rit tak phurh leh lei ninawm hi, Van ka enin chutah chuan luh ka chak; Van in nuamah chuan sualna a awm lo, An kohna aw chuan, Lo kal rawh, min ti. Chu ram thianghlim, nuam, ropui takah chuan, Mi bawlhhlawh ka ni ka ding ngam ang em, Chu lalthutthleng var ropui hmaah chuan? Nimahse, Isuan khawngaihin min ko. Nilengin van kalkawng chu ka ngaihtuah, Ni tinin sualna chuanin min rawn zui; Mahse, zahngaihna thuchah a lo thleng, Inchhirin sim la, i him ang, min ti. Ka hriat hi Lalpa, i aw a ni e, I kut phar chuanin min lo hnaih fo thin; I thisen hlu chu ka tan a luang ta, Lalthutthleng hmaah thiam min chantir ta. Felna Lalpa, ka rinchhan ber i ni, Ka lawmman hlu zawng i ta a ni e; Hlinglukhum i khum, keiin lallukhum, I thihna ka tan nunna a lo ni.