188. KA LUNG KOU ATUA

Kae ka lung kou atua, pumku lan ka cceih cih, Ah Paaw Pachia thehoysah lan; Khriccaaw u te no hae pumkunaw thua oh te, Ah Paaw Pachia thehoysah oh. Zoram hoynaw khylan, a thawccinaw yn lang, Khriccaawbuu houh a kaethung vae; Zuakuh oh uno hae thehoy bya houh kaethungnaw, Lang Pachia kawbya yn thua. David siapharan ccaaw, a haungnaw tyn sah, Zoram a peenaw houh tyn sah; Lungtua oh mithyaa hae, ngaethya misei hae te, Ryachi hae kha ngaengansah tua. Daenaw hoy huapaw kha Zo ram khua takyh kya, Ccungccaw balyn k’lan thaansah tua; Na peenaw houh ko sah, hoysinnaw thuasah tua, Kae Zo minphuin khua takyh kya.