179. OUN CCIAKHAE TUA SIAPHARAN

Rhaw taenaw kho takyh kya, Na umnaw inn a um; Na thawccinaw ka thawzung, Paccynkunaw ccyh kya, Rhaw dounaw hlaw kae sah, Yn cciakhaetua Bawipaw. Oun cciakhaetua Siapharan, Seinaw rhaw athang cia, A thyaapaw baphi ka thae, Daenaw Amen cite; Ccoi thaloi thungnaw hawte, Dawkhua roi haw thua khyh, Sungsahnaw thawccinaw te, Vaawlang peenaw yn thua. Oun cciakhaetua Siapharan, Ri leite kae zui cih, Na maesue kae muih nin kya, Awkhua lungtua hawte; Na vaelan ka kya yn thua, Ka cceih na awnaw kya, Taenaw te vaaw sui khua cia, Yn cciakhaetua Bawipaw.