172. PACHIA MUISAW KA LUNGKHU LANG YN RUNG

Pachia Muisaw ka lungkhu lang yn rung, Ka lungthin kha na vaawram lang kae khae; A thungpaw na thua Namaw nynh oun bawm, Sungsah lan na ccan, kae sungsah bua ii. Nang tuh ka Pachia Siapharan na thua, Ka lungthin te ka hiinnaw na uccaw; Na vaelantahnaw kha nae muihsah vae, Na vaelantah kyngkunaw yn ccangpah. Ka pe na umpaw yn nysah zungzae, Pynsaw vawsawnaw ingzia yn ccangpah; Zyn khyhnaw seinaw rhaw khum kho nawlan, Lungthang koute sawsangnaw yn ccangpah. Vaaw hae sungsakunaw haw yn ccangpah, A thyaapaw sungsakunaw yn biasah; Na Thyaa Muisaw te Baptisma yn pya, Ka lung tuh Namaw beik nawlan tang sah.