163. JESU YN RUNGTHUI CIH

Khua daedyn awsi nizy thua ccyh mah thuasah, Khuazinaw a mohdyn accyh kya mah thuasah; Jesu lenaw te e lae vawlan yn rung cih, A zynpaw kha pum khylan. Pou kae Pachia hotuh vema luungnaw hlaw ka sah cih, Haleluja Jesu rungtua, ( Haleluja Amen. ) 2 Ninthu ccyh thuasah zetesang ccyh mah thuasah, Zete mohdyn khuazi, Ziraccyn mah thuasah; Pachia lesaenaw te Jesu kha oun rung cih, A zynpaw kha pum khylan. Pou kae Pachia hotuh vema luungnaw hlaw ka sah cih, Haleluja Jesu rungtua, ( Haleluja Amen. ) 2 Mithyaa ccungccaw te vaaw ccungccaw nynh Pynkheihlan, Mih the oun thaan cih, Vaawlang te yn rung ccyh lya; Pachia lenaw kha thawccinaw kya atyn cih, A zynpaw kha pum khylan. Pou kae Pachia hotuh vema luungnaw hlaw ka sah cih, Haleluja Jesu rungtua, ( Haleluja Amen. ) 2 Kae saduthawkunaw phy ka ry chi leite Ngaethya siaruanaw riathae ryachi lue nawlan Pachia nynh maeking te yn cciakhae koute tuh Pawcihve lungtua lan vae. Pou kae Pachia hotuh vema luungnaw hlaw ka sah cih, Haleluja Jesu rungtua, ( Haleluja Amen. ) 2