149. BIALAE KYA E LILIPAW

Jesu ka hoiccaw ka muih vae, Amaw tuh ka tynre, Amaw tuh ka muisaw hanlan kungruatu; Bialae kya e lilipaw tuh, Puithya huapaw hawte, Amaw kya tuh ka rynaw tynre ka mue. Ka hiinnaw zemah zungzae. Kae kha bua yn raethui, Ka ngaethya ze yn soihbiatu Paaw hoy; Bialae kya-e lilipaw hoy, Awkhua nizy awsi, Amaw tuh ka muisaw hanlan kungruatu. Ka lung vawsaw riathae zah, Ka ngaethya ccyh vae ze, Tounaw ka tung ze ka thawzung ka thungnaw; Pawpaw b’lyn marya cciatawte, Satan beiknaw balyn, Laephi vawlan hoynaw doliaku leite. Ka hiinnaw zemah zungzae. Kae kha bua yn raethui, Ka ngaethya ze yn soihbiatu Paaw hoy; Bialae kya-e lilipaw hoy, Awkhua nizy awsi, Amaw tuh ka muisaw hanlan kungruatu. Zungzae tuh yn cciataw lan khyh, Hin kya ka um zemah, Zynnaw hythuanaw te a lungry hawte; A thinrianaw maee phupi kya, Rinaw ka hoi lan khyh, Amaw kya ka um zah ka ngae zungzae ngan. Ka hiinnaw zemah zungzae. Kae kha bua yn raethui, Ka ngaethya ze yn soihbiatu Paaw hoy; Bialae kya-e lilipaw hoy, Awkhua nizy awsi, Amaw tuh ka muisaw hanlan kungruatu.