345. Lalpa khawvel mi thim zingah

Lalpa, khawvel mi thim zingah, I enna ropyui thlen la; an tlantu duh taka zarah, Chhandamna kim an hmuh nan. Aw Lalpa, enna rawn pe la, Tuipui ral ram hlaah te; I hmangaihna leh zahngaihna, A thlawna pek i tiam kha. Zan thim lungngaihthlak tak ata, thlarau bote chu chhan la; An hunte leh an nite chu, A ral mek, hmanhmawh ang che. Aw Lalpa, enna rawn pe la, Tuipui ral ram hlaah te; I hmangaihna leh zahngaihna, A thlawna pek i tiam kha. I thutiam ropui leh thianghlim, 'Gospel chanchin hril ula; Tin, in hnenah ka awm zel ang,' Tia i tiam kha hrilh la. Aw Lalpa, enna rawn pe la, Tuipui ral ram hlaah te; I hmangaihna leh zahngaihna, A thlawna pek i tiam kha. Aw, kal zel la, Gospel hnehna, Tuipui leh ram tin chungah; Lo eng zel se, thimna zawng zawng, Hmanhmawh se, a tlai ang e. Aw Lalpa, enna rawn pe la, Tuipui ral ram hlaah te; I hmangaihna leh zahngaihna, A thlawna pek i tiam kha.